ການເຊື່ອມຕໍ່ດິຈິຕອລ໌ໃນ ສປປ ລາວ ທີ່ຫຼ້າຫຼັງກວ່າປະເທດຄູ່ແຂ່ງ : ການປະເມີນໂດຍສັງເຂບ ກັບຂໍ້ແນະນຳດ້ານນະໂຍບາຍ ເພື່ອການພັດທະນາໃຫ້ທ່ວງທັນກັນປະເທດອື່ນ

• ພື້ນຖານໂຄງລ່າງດ້ານການຄົມມະນາຄົມ
• ເສດຖະກິດ ແລະ ການຄ້າ
• ອິນເຕີເນັດ

ການເຂົ້າເຖິງການເຊື່ອມຕໍ່ດິຈິຕອລ໌ ເພື່ອການບໍລິການອິນເຕີເນັດທີ່ລາຄາບໍ່ແພງ ແລະ ເປັນໜ້າເຊື່ອຖື ໄດ້ກາຍເປັນຕົວຂັບເຄື່ອນຕົ້ນຕໍໃນການພັດທະນາເສດຖະກິດ ແລະ ສັງຄົມໃນທົ່ວໂລກ. ກິດຈະກຳທາງເສດຖະກິດ ແລະ ການບໍລິການຂອງລັດຖະບານ ມີທ່າອ່ຽງຫັນສູ່ໂລກອອນໄລ ນັບມື້ນັບຫຼາຍຂຶ້ນ. ສປປ ລາວ ຢູ່ໃນສະຖານະທີ່ດີ ທີ່ຈະໄດ້ຮັບປະໂຫຍດ ຈາກທ່າອ່ຽງດັ່ງກ່າວ ເພື່ອຍົກລະດັບການຂະຫຍາຍຕົວ, ການແຂ່ງຂັນ ແລະ ການໃຫ້ການບໍລິການສຳລັບປະຊາຊນ, ແຕ່ວ່າມັນຈຳເປັນຕ້ອງມີການແຊກແຊງທີ່ເລັ່ງດ່ວນ ເພື່ອຮັບປະກັນວ່າ ສປປ ລາວ ຈະບໍ່ຫຼ້າຫຼັງກວ່າປະເທດຄູ່ແຂ່ງໃນພາກພື້ນ. ຈົດໝາຍເຫດນີ້ ໃຫ້ການທົບທວນສະຖານະການເຊື່ອມຕໍ່ທາງດິຈິຕອລ ໃນ ສປປ ລາວ, ແລະ ບັນດາທາງເລືອກ ເພື່ອການປັບປຸງ ລວມທັງບົດບາດທີ່ກ່ຽວຂ້ອງຂອງລັດຖະບານ ແລະ ຂະແໜງອຸດສາຫະກຳ. ຜົນຈາກການຄົ້ນຄວ້າໃນຄັ້ງນີ້ ມີຄື: ໃນເກືອບທຸກໆມາດຕະເກນ, ສປປ ລາວ ແມ່ນຍັງຫຼ້າຫຼັງຫຼາຍ ໃນແງ່ຂອງການເຂົ້າເຖິງ, ຄຸນນະພາບ ແລະ ລາຄາຂອງການບໍລິການອິນເຕີເນັດ ທຽບກັບບັນດາປະເທດຄູ່ແຂ່ງໃນພາກພື້ນ. ການເຂົ້າເຖິງບໍລິການ ອິນເຕີເນັດຜ່ານມືຖື ມີລັກສະນະເພີ່ມຂຶ້ນ, ແຕ່ວ່າຊຸມຊົນໃນຊົນນະບົດ ແລະ ເຂດຫ່າງໄກສອກຫຼີກ ຍັງຄົງບໍ່ເຂົ້າເຖິງການບໍລິການ ຫຼື ການບໍລິການມີບໍ່ພຽງພໍ. ດັ່ງນັ້ນ ຈຶ່ງຕ້ອງການ ການດຳເນີນການທີ່ເລັ່ງດ່ວນ ເພື່ອປິດຊ່ອງຫວ່າງທາງດິຈິຕອລດັ່ງກ່າວ. ການບໍລິການອິນເຕີເນັດແບບໃຊ້ສາຍ ເພື່ອການສົ່ງຖ່າຍຂໍ້ມູນຂ່າວສານຈຳນວນຫຼາຍ ເພື່ອຮອງຮັບ ການພັດທະນາທາງດິຈິຕອລຍຸກໃໝ່ ຍັງຂ້ອນຂ້າງຈຳກັດ. ສ່ວນຄ່າບໍລິການອິນເຕີເນັດ ແມ່ນຂ້ອນຂ້າງສູງ. ການບໍລິການອິນເຕີເນັດຄວາມໄວສູງ ກໍ່ຍັງຄົງຈຳກັດ ແລະ ມີລາຄາທີ່ສູງຫຼາຍ. ລະບົບພາສີລາຍຍ່ອຍຂັ້ນຕ່ຳ ສຳລັບການບໍລິການມືຖື, ສຽງ ແລະ ຂໍ້ມູນ ອາດຫຼຸດຄວາມສາມາດຂອງຜູ້ປະກອບການ ໃນການໄຈ້ແຍກການບໍລິການ ແລະ ການແຂ່ງຂັນດ້ານລາຄາ ແລະ ຄຸນນະພາບຂອງການບໍລິການ. ຄຸນນະພາບຂອງການບໍລິການ ແລະ ຄ່າບໍລິການອິນເຕີເນັດ ຍັງຄົງເປັນບັນຫາທີ່ຫຼຸດຜ່ອນການເຂົ້າເຖິງ ແລະ ການນຳໃຊ້ບໍລິການ ແລະ ການໃຊ້ປະໂຫຍດຈາກດິຈິຕອລ. ຄວາມສາມາດໃນການຄຸ້ມຄອງ ແລະ ຄວາມຊ່ຽວຊານ ມີລັກສະນະເພີ່ມຂຶ້ນ, ແຕ່ກໍ່ຍັງຄົງຕ່ຳ ເຊິ່ງເປັນການຈຳກັດ ການຂະຫຍາຍຕົວຂອງຕະຫຼາດ ແລະ ການລົງທຶນ.

Creative Commons Attribution

ແຫຼ່ງທີ່ມາ

PDF

Digital Connectivity in Lao PDR Lagging Behind Peers : A Short Assessment with Policy Recommendations to Catch Up

ດາວໂຫຼດ

ປະເພດເອກະສານ	ບົດລາຍງານ, ບົດຄວາມວາລະສານ ແລະ ເອກະສານຄົ້ນຄວ້າ (ລວມທັງບົດວິທະຍານິພົນ)
ວັນທີຕີພິມ	2018.0
ຜູ້ຕີພິມ	World Bank
ລິຂະສິດ	ຖືກຕ້ອງ
ການອະນຸຍາດ	Creative Commons Attribution
ຜູ້ຂຽນ (ບຸກຄົນ)	World Bank
ພາສາ	ພາສາອັງກິດ
ວັນທີດັດແປງ	4 Dec 2019