News

ທະນາຄານການລົງທຶນພື້ນຖານໂຄງລ່າງອາຊີ (AIIB) ໄດ້ເຊັນອະນຸມັດທຶນກູ້ຢືມສຳລັບປະເທດສີລັງກາລວມມູນຄ່າ $280 ລ້ານໂດລາ ແລະ ສຳລັບລາວ $40 ລ້ານໂດລາ.ໃນຂະນະດຽວກັນ ທຶນກູ້ຢືມຈຳນວນ $40 ລ້ານໂດລາ ສຳລັບລາວແມ່ນຈະນຳໃຊ້ເຂົ້າໃນການປັບປຸງຍົກລະດັບເສັ້ນທາງແຫ່ງຊາດເລກທີ 13, ເຊິ່ງຈະເອື້ອປະໂຫຍດໃຫ້ແກ່ປະຊາຊົນກວ່າ 502,100 ຄົນໃນ 471 ບ້ານ ແລະ 11 ເມືອງໃນນະຄອນຫຼວງວຽງຈັນ ແລະ ແຂວງວຽງຈັນ, ຕາມຂໍ້ມູນຈາກທະນາຄານໂລກ.ອ່ານຕໍ່ ...

ຈຸດພັກລົດໃໝ່ສຳລັບນັກຂັບຂີ່ ຢູ່ເຊໂນ ແຂວງສະຫວັນນະເຂດ ໄດ້ມີການເປີດໃຫ້ບໍລິການສຳລັບສາທາລະນະຊົນໃນອາທິດນີ້ ພາຍຫຼັງສຳເລັດໂຄງການກໍ່ສ້າງ.ສິ່ງອຳນວຍຄວາມສະດວກດັ່ງກ່າວໄດ້ຮັບການສ້າງຕັ້ງຂຶ້ນໃນພື້ນທີ່ຫວ່າງເປົ່າ ໃນເຂດທາງແບ່ງລະຫວ່າງເສັ້ນທາງແຫ່ງຊາດເລກທີ 13 ແລະ ເສັ້ນທາງແຫ່ງຊາດເລກທີ 9W ເຊໂນ, ເຊິ່ງຕັ້ງຢູ່ໃຈກາງເມືອງອຸທຸມພອນ ແຂວງສະຫວັນນະເຂດ. ການຈັດຕັ້ງປະຕິບັດໂຄງການດັ່ງກ່າວແມ່ນຢູ່ພາຍໃຕ້ການຊ່ວຍເຫຼືອຂອງລັດຖະບານຍີ່ປຸ່ນ, ເຊິ່ງລວມມີຮ້ານອາຫານ, ບ່ອນຈອດລົດ, ຫ້ອງນ້ຳ, ແລະ ສິ່ງອຳນວຍຄວາມສະດວກທີ່ຈຳເປັນອື່ນໆ.ອ່ານຕໍ່ ...

ວຽງຈັນ (Vientiane Times/ANN) – ລາວຄາດວ່າຂະແໜງການກໍ່ສ້າງໃນປີນີ້ຈະຂະຫຍາຍຕົວຢ່າງໜ້ອຍ 10% ພາຍໃຕ້ມາດຕະການຂອງລັດຖະບານໃນການສົ່ງເສີມການລົງທຶນ ແລະ ກະຕຸ້ນເສດຖະກິດ.ທ່າອ່ຽງດັ່ງກ່າວແມ່ນມາຈາກຫຼາຍປັດໄຈ ເຊັ່ນ ການລົງທຶນດ້ານການບໍລິການ, ການພັດທະນາພື້ນຖານໂຄງລ່າງ ແລະ ອະສັງຫາລິມະຊັບ ເຊິ່ງມີສ່ວນພົວພັນກົມກຽວກັນຢ່າງແໜ້ນແຟ້ນ.ອ່ານຕໍ່ ...

(ຂປລ) ໂຄງການຈັດສັນທີ່ຢູ່ອາໄສຊຸມຊົນ “ARATA Garden Residences” ທີ່ຕັ້ງຢູ່ທາງດ້ານຫຼັງຂອງສູນການຄ້າລາວ-ໄອເຕັກ ຂ້າງບຶງທາດຫຼວງ ເມືອງໄຊເສດຖາ ຈະເລີ່ມດຳເນີນການກໍ່ສ້າງໃນຕົ້ນປີ 2019 ແລະ ຄາດວ່າຈະສຳເລັດພາຍໃນທ້າຍໄຕມາດທຳອິດຂອງປີ 2021.ARATA ແມ່ນໂຄງການທຳອິດໃນລາວຂອງບໍລິສັດ Creed ເຊິ່ງເປັນທຸລະກິດຮ່ວມປະສົມຮ່ວມກັບບໍລິສັດ “Aanandi Group” Co., Ltd ຂອງສິງກະໂປ.ອ່ານຕໍ່ ...

ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ລາຍງານຕໍ່ສະພາແຫ່ງຊາດວ່າ ກຳລັງມີການເລັ່ງມືໂຄງການພັດທະນາຂະໜາດໃຫຍ່ທີ່ກຳລັງດຳເນີນການກໍ່ສ້າງ ເພື່ອສົ່ງເສີມການຂະຫຍາຍຕົວດ້ານເສດຖະກິດ. ຈາກການສະເໜີບົດລາຍງານການພັດທະນາດ້ານເສດຖະກິດສັງຄົມຕໍ່ທີ່ປະຊຸມສະພາແຫ່ງຊາດ, ທ່ານຫົວໜ້າລັດຖະບານແຫ່ງຊາດໄດ້ກ່າວວ່າ ກຳລັງມີການເສີມຂະຫຍາຍການດຳເນີນການເພື່ອສ້າງຮູບປະທຳດ້ານຜົນປະໂຫຍດຂອງໂຄງການພັດທະນາພື້ນຖານໂຄງລ່າງຂະໜາດໃຫຍ່ອ່ານຕໍ່ ...