News

ວຽງຈັນ (ວຽງຈັນທາມສ໌/ANN) – ໃບຕາດິນຈຳນວນ 153 ສະບັບພົບວ່າມີການອອກຊ້ຳຊ້ອນ ຈາກການກວດສອບຂອງສະພາແຫ່ງຊາດໃນໄລຍະຜ່ານມາ, ເຈົ້າໜ້າທີ່ການນຳໃນການອອກກົດໝາຍກ່າວຢືນຢັນ.ເຈົ້າຂອງທີ່ດິນໄດ້ພະຍາຍາມນຳໃຊ້ເອກະສານໃບຕາດິນຊ້ຳຊ້ອນເພື່ອຄ້ຳປະກັນເງິນກູ້ຈາກທະນາຄານ ແລະ ສະຖາບັນການເງິນຕ່າງໆ, ສົ່ງຜົນໃຫ້ເກີດຂໍ້ຂັດແຍ່ງທີ່ຮຸນແຮງກ່ຽວກັບທີ່ດິນໃນທົ່ວປະເທດ.ສະມາຊິກສະພາແຫ່ງຊາດໄດ້ຫາລືບັນຫາດັ່ງກ່າວວານນີ້, ທັງມີການຕຳນິອຳນາດການປົກຄອງທີ່ມີສ່ວນໃນຂະບວນການອອກໃບຕາດິນຊ້ຳຊ້ອນ.ອ່ານຕໍ່ ...

ບໍລິສັດຈີນຈະເຮັດສວນກ້ວຍໃນພື້ນທີ່ຈັດສັນຂອງລັດຖະບານເພື່ອຊົດເຊີຍໃຫ້ແກ່ຜູ້ປະສົບໄພເຂື່ອນແຕກໃນປີ 2018 ທີ່ຖືໄດ້ວ່າເປັນໄພນ້ຳຖ້ວມຄັ້ງຮ້າຍແຮງທີ່ສຸດຂອງປະເທດ ໃນຮອບຫຼາຍທົດສະວັດ, ຕາມຂ່າວຈາກໜ່ວຍຂ່າວ RFA ລາວ.ໄພພິບັດດັ່ງກ່າວ ເກີດຂື້ນໃນເດືອນກໍລະກົດປີກາຍນີ້ ເນື່ອງຈາກສັນເຂື່ອນຂອງໂຄງການພະລັງງານໄຟຟ້າເຊປຽນ-ເຊນ້ຳນ້ອຍແຕກ ຫຼັງຈາກມີຝົນຕົກໜັກ ເຮັດໃຫ້ນ້ຳໄຫຼຖ້ວມ 12 ບ້ານ ແລະ ຂ້າຊີວິດຊາວບ້ານຢ່າງໜ້ອຍ 40 ຄົນຢູ່ແຂວງຈຳປາສັກ ແລະ ອັດຕະປືທາງພາກໃຕ້ຂອງລາວ ແລະ ມີຜູ້ສູນຫາຍອີກບາງຈຳນວນ.ພື້ນທີ່ດິນຈຳນວນ 2,000 ເຮັກຕາທີ່ຕັ້ງຢູ່ໃກ້ບ້ານພິນດົງ ເມືອງສະໜາມໄຊ ແຂວງອັດຕະປື ໄດ້ຮັບການບຸກເບີກໂດຍລັດຖະບານໃນສາມເດືອນກ່ອນ ເຊິ່ງເຂົ້າໃຈວ່າຈະມອບໃຫ້ແກ່ຜູ້ປະສົບໄພໃຫ້ສາມາດທຳການຜະລິດໃນຊ່ວງລະດູຝົນນີ້,​ ແຕ່ວ່າຫຼ້າສຸດ ອຳນາດການປົກຄອງໄດ້ມີການອະນຸຍາດໃຫ້ນັກລົງທຶນຈີນເຂົ້າມາປູກກ້ວຍ.ອ່ານຕໍ່ ...

ໃນວັນສຸກແລ້ວນີ້ ກຸ່ມສິດທິມະນຸດລາວໄດ້ຮຽກຮ້ອງໃຫ້ເຈົ້າໜ້າທີ່ນະຄອນຫຼວງວຽງຈັນ ສືບສວນສອບສວນການເສຍຊີວິດຂອງຜູ້ຕ້ອງຂັງໃນເດືອນແລ້ວນີ້ ເຊິ່ງແມ່ນຊາວບ້ານທີ່ຖືກກັກຕົວມາແຕ່ປີ 2011 ໃນຄະດີການປະທ້ວງກ່ຽວກັບທີ່ດິນຢູ່ແຂວງສາລະວັນ.ລັດຖະບານຍັງຄົງບໍ່ສະແດງທ່າທີໃດໆກ່ຽວກັບການຕາຍໃນຄຸກຂອງທ້າວສີ ພົງ ໜຶ່ງໃນສອງນັກໂທດທີ່ຖືກຈຳຄຸກ ຫຼັງຈາກທີ່ຜູ້ຮ່ວມປະທ້ວງຈຳນວນ 23 ຄົນເຊິ່ງຖືກກັກຕົວໃນປີ 2011 ໄດ້ຮັບການປ່ອຍຕົວ.ອ່ານຕໍ່ ...

ອຳນາດການປົກຄອງນະຄອນຫຼວງໄດ້ສັ່ງຢຸດການຊື້ຂາຍ ແລະ ໂອນຖ່າຍກຳມະສິດທີ່ດິນຢູ່ບ້ານດົງໂດກ ແລະ ພື້ນທີ່ອ້ອມຮອບມະຫາວິທະຍາໄລແຫ່ງຊາດລາວ ຍ້ອນວ່າເປັນພື້ນທີ່ກຳມະສິດຄຸ້ມຄອງ ແລະ ນຳໃຊ້ຕາມກົດໝາຍຂອງລັດ.ທ່ານ ບຸນທຳ ພຸດທະວົງສາ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມນະຄອນຫຼວງວຽງຈັນ ກ່າວໃນວັນພຸດຜ່ານມານີ້ວ່າ ທາງພະແນກໄດ້ອອກຄຳສັ່ງໃຫ້ຢຸດຕິການເຄື່ອນໄຫວກ່ຽວກັບກຳມະສິດການນຳໃຊ້ທີ່ດິນໃນພື້ນທີ່ດັ່ງກ່າວ ເຊິ່ງລວມທັງພື້ນທີ່ໃນບ້ານຕານມີໄຊ, ນາທົມ, ສະພັງເມິກ, ແລະ ໜອງວຽງຄຳ.ອ່ານຕໍ່ ...

ການເປີດສຳປະທານທີ່ດິນຂອງລັດຖະບານລາວໃຫ້ແກ່ບໍລິສັດປູກກ້ວຍຂອງຈີນ ເຮັດໃຫ້ປະຊາຊົນທ້ອງຖິ່ນໃນໜຶ່ງເມືອງທາງພາກເໜືອຂອງລາວບໍ່ມີທີ່ດິນພຽງພໍໃນການຜະລິດເພື່ອລ້ຽງປາກລ້ຽງທ້ອງ, ຕາມແຫຼ່ງຂ່າວໃນອາຊີຕາເວັນອອກສຽງໃຕ້.ຊາວບ້ານໃນເມືອງແບງ ແຂວງອຸດົມໄຊ ທາງພາກເໜືອຂອງລາວ ເຄີຍມີທີ່ດິນທຳການຜະລິດທີ່ພຽງພໍຕໍ່ການດຳລົງຊີວິດ, ເຈົ້າໜ້າທີ່ພະແນກກະສິກຳ ແລະ ປ່າໄມ້ແຂວງທີ່ບໍ່ປະສົງອອກນາມ ເປີດເຜີຍຕໍ່ໜ່ວຍຂ່າວວິທະຍຸເສຣິອາຊີ.ອ່ານຕໍ່ ...

ຕາງໜ້າລັດຖະບານລາວ ແລະ ໄທປະຊຸມກັນທີ່ວຽງຈັນ ເພື່ອຫາລືກ່ຽວກັບການຄຸ້ມຄອງທີ່ດິນ ແນໃສ່ສ້າງຄວາມເຂັ້ມແຂງດ້ານລະບຽບການ ແລະ ສະກັດກັ້ນການນຳໃຊ້ທີ່ດິນໃນທາງທີ່ບໍ່ຖືກຕ້ອງໃນລາວ.ອ່ານຕໍ່ ...

(ຂປລ) ກົມຊ່ວຍສາອາກອນໄດ້ເປີດຕົວລະບົບເພື່ອຮັບປະກັນການຈ່າຍອາກອນທີ່ດິນຜ່ານລະບົບອອນໄລຂອງທະນາຄານ ທີ່ສະດວກ ແລະ ວ່ອງໄວ.ອ່ານຕໍ່ ...

ສະພາແຫ່ງຊາດຍັງບໍ່ຜ່ານການອະນຸມັດກົດໝາຍວ່າດ້ວຍທີ່ດິນສະບັບດັດແກ້, ເນື່ອງຈາກເຫັນວ່າຍັງມີຄວາມຈຳເປັນທີ່ຕ້ອງປັບປຸງເພີ່ມເຕີມເພື່ອກແ້ໄຂຂໍ້ຄົງຄ້າງ.ອ່ານຕໍ່ ...

ວຽງຈັນ (ມູນນິທິທອມສັນ ຣອຍເຕີ) – ກົດໝາຍວ່າດ້ວຍທີ່ດິນສະບັບໃໝ່ຂອງລາວອາດສົ່ງເສີມຄວາມໂປ່ງໃສໃນການຄຸ້ມຄອງທີ່ດິນ ແລະ ສ້າງຄວາມທັນສະໄໝໃນການຈົດບັນທຶກໃນລາວ, ແຕ່ວ່າມັນອາດຈຳກັດກຳມະສິດຂອງແມ່ຍິງໃນການຄອບຄອງທີ່ດິນ ກໍຄືສິດການຄອບຄອງຕາມປະເພນີຂອງຊາວຊົນນະບົດ ແລະ ຊົນເຜົ່າ, ຕາມການລາຍງານຂອງນັກວິເຄາະ.ຮ່າງກົດໝາຍທີ່ຍຶດເຍື້ອມາດົນນານສະບັບດັ່ງກ່າວ ມີກຳນົດເຂົ້າຜ່ານໃນທີ່ປະຊຸມສະພາແຫ່ງຊາດຂອງລາວໃນເດືອນໜ້າ, ຕາມຂໍ້ມູນຂອງຜູ້ຈັດທຳ ແລະ ນັກວິເຄາະທີ່ໃຫ້ຄຳເຫັນຕໍ່ຮ່າງກົດໝາຍດັ່ງກ່າວ.ອ່ານຕໍ່ ...