News

ວຽງຈັນ (ວຽງຈັນທາມສ໌/ANN) – ລາວ ແລະ ຫວຽດນາມຫວັງຂະຫຍາຍການຄ້າພາຄີຂຶ້ນປະມານ 10 ເຖິງ 15 ເປີເຊັນໃນປີ 2019, ເຊິ່ງມູນຄ່າການຄ້າລວມຂອງປີຜ່ານມາແມ່ນຢູ່ທີ່ US$1.03 ຕື້ໂດລາ.ຕົວເລກການຄ້າຂອງປິກາຍແມ່ນລື່ນຄາດໝາຍປະມານ 10 ເປີເຊັນ. ມູນຄ້າການຄ້າສອງຝ່າຍລະຫວ່າງລາວ ແລະ ຫວຽດນາມໃນຊ່ວງເຈັດເດືອນຂອງປີ 2019 ຂຶ້ນສູ່ລະດັບ US$663.76 ລ້ານໂດລາ, ເພີ່ມຂື້ນເກືອບ 13 ເປີເຊັນທຽບກັບໄລຍະດຽວກັນຂອງປີກາຍ, ຕາມບົດລາຍງານຂອງກະຊວງອຸດສາຫະກຳ ແລະ ການຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການບໍລິການຂົນສົ່ງສິນຄ້າທາງລົດໄຟຂ້າມຊາຍແດນທີ່ຫາກໍ່ເປີດໂຕ ຕ້ອງການການຂົນສົ່ງສິນຄ້າຈາກລາວໄປໄທທີ່ເພີ່ມຂຶ້ນເພືື່ອຄວາມສຳເລັດທາງທຸລະກິດ.ຂະບວນລົດໄຟດັ່ງກ່າວສາມາດຂົນສົ່ງສິນຄ້າ 10 ເຖິງ 20 ຕູ້ເຂົ້າ ແລະ ອອກປະເທດ, ແຕ່ວ່າປະເທດລາວມີຈຳນວນຜູ້ສົ່ງອອກໜ້ອຍກວ່າຈຳນວນຜູ້ນຳເຂົ້າ. ນີ້ແມ່ນບັນຫາທີ່ພາກສ່ວນທີ່ກ່ຽວຂ້ອງຕ້ອງຮ່ວມກັນແກ້ໄຂ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຜູ້ຕາງໜ້າຈາກ 14 ບໍລິສັດຈາກແຂວງຈອນນຳ ປະເທດເກົາຫຼີໃຕ້ ຮ່ວມພົບປະກັບຜູ້ປະກອບການລາວໃນມື້ວານນີ້ ເພື່ອຫາລືກ່ຽວກັບໂອກາດໃນການຮ່ວມມື ແລະ ການຂະຫຍາຍທຸລະກິດ.ກອງປະຊຸມກັບສະມາຄົມການຄ້າຈອນນຳ ໄດ້ຈັດຂຶ້ນຢູ່ທີ່ໂຮງແຮມຄຣາວພລາຊາ ວຽງຈັນ ໂດຍອົງການສົ່ງເສີມການຄ້າການລົງທຶນເກົາຫຼີໃຕ້ (KOTRA) ແລະ ພະແນກການຄ້າຂອງສະຖານທູດເກົາຫຼີໃຕ້ປະຈຳລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຊາວຄ້າຂາຍຢູ່ແຂວງພາກເໜືອຂອງລາວໃນປະຈຸບັນ ມີທາງເລືອກທີ່ໜ້ອຍລົງໃນການນຳສິນຄ້າເຂົ້າສູ່ປະເທດຈີນ ຫຼັງຈາກທີ່ເຈົ້າໜ້າທີ່ຈີນໄດ້ມີການສັ່ງຫ້າມການນຳເຂົ້າສິນຄ້າຢູ່ຕາມດ່ານຊາຍແດນທ້ອງຖິ່ນ.ສິນຄ້າທຸກໆປະເພດ ລວມທັງສິນຄ້າກະເສດ ແມ່ນສາມາດນຳເຂົ້າສູ່ປະເທດຈີນຜ່ານດ່ານຊາຍແດນສາກົນຫຼັກຢູ່ທີ່ເມືອງບໍ່ເຕັນ ແຂວງຫຼວງນ້ຳທາເທົ່ານັ້ນ, ຕາມເຈົ້າໜ້າທີ່ອຸດສາຫະກຳ ແລະ ການຄ້າຂອງລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຫົວໜ່ວຍທຸລະກິດລາວ ໂດຍສະເພາະແມ່ນທຸລະກິດຂະໜາດນ້ອຍ ແລະ ຂະໜາດກາງ (SMEs), ຈະໄດ້ຮັບປະໂຫຍດຫຼາຍຂຶ້ນຈາກການເຂົ້າຮ່ວມງານຕະຫຼາດນັດການຄ້າໃນຕ່າງປະເທດໃນອະນາຄົດ.ກອງປະຊຸມກ່ຽວກັບຫົວຂໍ້ດັ່ງກ່າວໄດ້ຈັດຂຶ້ນຢູ່ທີ່ສູນການຄ້າລາວ-ໄອເຕັກ ທີ່ວຽງຈັນໃນອາທິດແລ້ວນີ້ ຄຽງຄູ່ກັບງານຕະຫຼາດນັດຜະລິດຕະພັນລາວຄັ້ງທີ 6 2019 ເຊິ່ງໄດ້ອັດລົງວານນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄະນະກຳມະການຈັດງານຕະຫຼາດນັດສິນຄ້າ “Made in Laos 2019” ຫວັງວ່າງານດັ່ງກ່າວຈະຊ່ວຍສົ່ງເສີມພາບລັກຜະລິດຕະພັນຂອງລາວ ຜ່ານກອງປະຊຸມດ້ານການຄ້າ, ການຈັບຄູ່ທຸລະກິດ ແລະ ການຝຶກອົບຮົມ.ງານຕະຫຼາດນັດດັ່ງກ່າວ ເຊິ່ງແນໃສ່ສ້າງຕະຫຼາດພາກພື້ນ ແລະ ສາກົນ ເຊິ່ງໄດ້ໄຂຂຶ້ນທີ່ສູນການຄ້າລາວ-ໄອເຕັກວຽງຈັນ ໃນວັນຈັນນີ້ ແລະ ຈະມີໄປຈົນເຖິງວັນທີ 28 ກໍລະກົດນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຊຸມຊົນທຸລະກິດລາວ ແລະ ໄທ ກຳລັງຮ່າງແຜນເພື່ອເພີ່ມທະວີປະລິມານການຄ້າ ແລະ ການລົງທຶນພາຄີໃນຊຸມປີຕໍ່ໜ້າ ໂດຍການຂ້າມຜ່ານອຸປະສັກຕ່າງໆທີ່ມີມາດົນນານ.ທັງສອງຝ່າຍຄາດວ່າຈະຈັດຕັ້ງກຸ່ມເຮັດວຽກພິເສດ ເຊິ່ງຈະມາຈາກບຸກຄະລາກອນທັງສອງຝ່າຍ ເພື່ອຈຸດປະສົງເຊື່ອມຕໍ່ຊ່ອງຫວ່າງລະຫວ່າງລັດຖະບານລາວ ແລະ ໄທ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ເປີດໄຟຂຽວໃຫ້ແກ່ບໍລິສັດຈີນ ໃນການພັດທະນາພື້ນຖານໂຄງລ່າງທີ່ກ່ຽວຂ້ອງເພື່ອອຳນວຍຄວາມສະດວກດ້ານການຄ້າ ແລະ ການລົງທຶນໃນຂະແໜງກະສິກຳ ເພື່ອຫວັງສົ່ງເສີມການສົ່ງອອກສິນຄ້າໄປປະເທດຈີນ.ບາດກ້າວດັ່ງກ່າວແມ່ນສ່ວວນໜຶ່ງຂອງການກະກຽມຂອງລັດຖະບານໃນການລົງທຶນກ່ຽວກັບເສັ້ນທາງລົດໄຟລາວ-ຈີນ ມູນຄ່າ 5.9 ຕື້ໂດລາ ເຊິ່ງຄາດວ່າຈະສຳເລັດພາຍໃນປີ 2021.ອ່ານຕໍ່ ...

ໜ່ວຍງານຄຸ້ມຄອງພາສີຂອງຈີນ (GAC) ໄດ້ແຈ້ງໃນວັນທີ 4 ກໍລະກົດນີ້ວ່າ ໝາກໂມຈາກລາວໄດ້ຜ່ານການຮັບຮອງດ້ານສຸຂະອະນາໄມພືດ ເຊິ່ງປະຈຸບັນສາມາດນຳເຂົ້າໃນປະເທດຈີນໄດ້ – ເປັນການເພີ່ມແຫຼ່ງນຳເຂົ້າໝາກໂມນອກລະດູແຫ່ງໃໝ່ສຳລັບຈີນ. ໃບຮັບຮອງດ້ານສຸຂະອະນາໄມພືດເພື່ອການນຳເຂົ້າໝາກໂມຈາກລາວສູ່ຈີນ ໄດ້ຮັບການຮັບຮອງໃນເດືອນມິຖຸນາທີ່ຜ່ານມາ ໃນລະຫວ່າງການຢ້ຽມຢາມລາວຂອງຄະນະຜູ້ແທນ GAC ເຊິ່ງນຳໂດຍທ່ານຮອງລັດຖະມົນຕີ ຫູ ເຫວີຍ.ໝາກໂມທີ່ຜະລິດໃນຈີນຕາມລະດູປົກກະຕິແມ່ນນັບແຕ່ເດືອນພຶດສະພາຫາເດືອນສິງຫາ. ຜົນຜະລິດຕາມລະດູຕາມປົກກະຕິຈະຂາຍໝົດພາຍໃນເດືອນພະຈິກ ເຖິງວ່າຈະມີການສະໜອງຢ່າງຕໍ່ເນື່ອງຈຳນວນໜຶ່ງຈາກແຂວງທາງພາກໃຕ້ຄື ໄຫໜານ, ຢຸນນານ, ກວາງສີ ແລະ ກວາງຕຸ້ງ. ຜົນຜະລິດນຳເຂົ້ານອກລະດູກໍສາມາດຕອບສະໜອງຊ່ອງຫວ່າງຄວາມຕ້ອງການນອກລະດູໄດ້ດີ.ນອກຈາກປະເທດລາວແລ້ວ ປະເທດທີ່ໄດ້ຮັບການອະນຸຍາດໃຫ້ສົ່ງອອກໝາກໂມໄປຈີນກໍມີ ປະເທດມຽນມາ, ຫວຽດນາມ, ແລະ ມາເລເຊຍ. ຄາດວ່າ 90% ຂອງໝາກໂມທີ່ປູກໃນມຽນມາ ແລະ ຫວຽດນາມ ແມ່ນສົ່ງອອກໄປຈີນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວອາດຕ້ອງເພີ່ມທະວີການນຳເຂົ້າສິນຄ້າກະເສດ ເພື່ອຕອບສະໜອງຕໍ່ຄວາມຕ້ອງການທີ່ເພີ່ມຂຶ້ນ ສຳລັບໝາກໄມ້ສົດ ແລະ ພືດຜັກ.ຕະຫຼາດສົດລາວອົດຊີ ເມືອງສີໂຄດຕະບອງ ເຊິ່ງເປັນໜຶ່ງໃນຕະຫຼາດສົດທີ່ໃຫຍ່ທີ່ສຸດໃນນະຄອນຫຼວງວຽງຈັນ ອາດຕ້ອງເພີ່ມການຊື້ຂາຍສິນຄ້ານຳເຂົ້າຈາກຕ່າງປະເທດ, ເຈົ້າໜ້າທີ່ຈັດສັນຕະຫຼາດກ່າວຜ່ານໜັງສືພິມວຽງຈັນທາມສ໌ວານນີ້.ໃນປີຜ່ານມາ, ຕະຫຼາດດັ່ງກ່າວມີການນຳເຂົ້າສິນຄ້າກະເສດ 15% ຈາກປະເທດໄທ ແລະ 15% ຈາກປະເທດຫວຽດນາມເພື່ອຈຳໜ່າຍ ໃນຂະນະທີ່ສິນຄ້າຈຳນວນໜຶ່ງກໍມາຈາກຕ່າງແຂວງ.ສິນຄ້າທີ່ນຳເຂົ້າສ່ວນໃຫຍ່ລວມມີ ໝາກເລັ່ນ, ໝາກເຂືອ, ໝາດເຜັດ, ໝາກນາວ, ຜັກບົ່ວ, ຜັກທຽມ, ໝາກໄມ້ ແລະ ຜັກຕ່າງໆ.ອ່ານຕໍ່ ...